ЖЕРАСТЫ КЕНІШІНДЕГІ ТАУ-КЕН ЖҰМЫСШЫЛАРЫНЫҢ ЕҢБЕК ЖАҒДАЙЛАРЫН ТАЛДАУ

Аннотация

Мақалада Шығыс Қазақстан облысындағы жерасты кенішінің тау-кен жұмысшыларының еңбек жағдайларын талдау қарастырылған. Орловск кенішінің жұмыс орындарын аттестаттау деректері негізінде өндірістік факторлардың көрсеткіштерін математикалық өңдеу жүргізілді. Зерттеу нәтижесінде жерасты өндіру учаскелерінің жұмысшылары кремний диоксиді (нормадан 1,3-1,9 есе жоғары), күкірт диоксиді (нормадан 1,4-1,65 есе жоғары), азот диоксиді (нормадан 1,75-2 есе жоғары) және аммиак (нормадан 2,1-2,2 есе жоғары) сияқты химиялық факторлардың зиянды әсеріне ұшырайтыны анықталды. Микроклиматтық факторлар бойынша еңбек жағдайларының жай-күйін бағалау жұмыс орындарында ауа температурасының (нормадан 4-12 есе жоғары) және салыстырмалы ылғалдылықтың (нормадан 3-10 есе жоғары) артқанын көрсетті. "Еңбек жағдайлары және кәсіби тәуекелдер: "жасыл экономикаға" көшу шеңберінде топтастырудың жіктелуі, санаттары мен критерийлері" тақырыбында ғылыми-техникалық бағдарламаны іске асыру барысында алынған ғылыми зерттеулердің нәтижелері ұсынылды (ЖРН BR22182667).